BE.334 Logu no.186
NASA JOLMA INGKON MATE

Ayat 1
Nasa jolma ingkon mate Ingkon mago sibuk i
Na mangolu ingkon mate Asa tung denggan muse
Daging on do gabe bangke jala ingkon do malangke
Asa sogot bangkit i Tu hasangaponna i

Ayat 2
Ipe ndang be juaonku Roha ni Debatangki
Lehononku do hosangku Ndang be marsak au disi
Ai di bugang ni Jesusku Dapot au hangoluanku
Ala hamamate ni Do tarapul rohangki.

Ayat 3
Jesus Kristus nunga mate Ala ni mangolu au
Singkop tua diparade I pe las rohangku lao
Manadingkon pardagangan Mandapothon hasonangan
Mandapothon Jesuski Ai malungun au tusi.

Ayat 4
Sonang ma disi rohangku Molo jongjong au disi
Dohot sasude donganku Na marhasangapon i
Dohot Serapim silehon Sangap nang hamuliaon
Di niendehonNa i Sangap di Tuhanta i.

Ayat 5
Dohot do disi maringan Na badia i sude
Ompu dohot Panurirang Nang sude Apostel pe
Ai marriburibu taonna Lao tumopot ingananna
Angka na badia i Pasangaphon Tuhan i.

Ayat 6
O Jerusalem na uli Tiur ni panondangMi
Sonang dohot au maruli Tumangihon endemi
On pe timbul las ni roha On pe binsar nasa tua
On ma ari i tahe Na so olo salpu be.

Ayat 7
Ai idaon ni matangku Hasangapon i sude
Hatigoran do uloshu Na pasangap au muse
Pinarsanggul hamonangan Jongjong au di hasonangan
Maradophon Debata Sai tongtong, Haleluya
